Fréttir

10022010

Við blótum Þorrann á föstudögum, laugardögum og sunnudögum allann Þorrann.

Þorradiskurinn er á léttu nótunum, lítill súrmatur en ýmislegt hnossgæti sem á heima Þorradiski.

Verið velkomin

Veitingahúsarýni Jónasar, tekið af www.jonas.is
Rúgbrauðsís með rjóma
Rúgbrauðsstaðurinn Loki er efst á Lokastíg, yfir túristasjoppu, á annarri hæð andspænis Hallgrímskirkju. Fékk þar frábæran Skútustaðasilung og rifið hangikjöt ofan á rúgbrauð. Toppurinn var þó rúgbrauðsís með rjóma, minnti á gamla, danska uppskrift, Bóndadóttur með blæju. Rúgbrauðið passaði alveg við ísinn. Ég hef aldrei fengið svona áður. Þannig geta gimsteinar leynzt út um víðan völl, þótt ég hafi áratugum saman stikað milli veitingahúsa. Á Loka kostar réttur dagsins 1190 krónur, stundum brauðsúpa, stundum ýsa, stundum plokkfiskur. Alþýðlegur staður, íslenzk útgáfa af dönskum frúkost-matstað.

18112009  18112009 2

Athafnasemin allsráðandi. Hrönn sýnir hér rúgbrauðsréttina og í baksýn má sjá glitta í forláta handstúkur eftir íslenskar listakonur.
Það var líflegt á Café Loka við Lokastíg í gær þegar boðið var upp á rúgbrauðsveislu í tilefni Athafnaviku. Meðal annars var boðið upp á framandi rétti á borð við rúgbrauðsís og rúgbrauðskex.
„Við köllum þetta Leik að rúgbrauði," segir Hrönn Vilhelmsdóttir, sem rekur Café Loka og hönnunarverslunina Textíl ásamt manni sínum, Þórólfi Antonssyni.
„Við erum með mjög gott rúgbrauð alla daga en í tilefni af Athafnavikunni ákváðum við að breyta til og gera tilraunir," segir Hrönn. Þau hafi því boðið upp á margrétta rúgbrauðsmáltíð með nýstárlegum samsetningum.
Á matseðlinum er rúgbrauð með fjórum áleggstegundum: karrísíldarsalati, tvíreyktu hangikjötstartar og piparrótarrjóma, silungi og eggjahlaupi og síðast salamiblómi. Þar að auki var boðið upp á rúgbrauðsís með þurrkuðu rúgbrauði sem líkist krókant, og svokallað rúgbrauðskex, sem í raun er þurrkað rúgbrauð og segir Hrönn það lostæti með volgri lifrarkæfu.
„Það var mjög líflegt hjá okkur í hádeginu," segir Hrönn. Fjöldi fólks hafi komið og gætt sér á rúgbrauðinu og öllum líkað vel. „Vala Matt gat ekki hamið sig yfir rúgbrauðsísnum. Henni fannst þetta svo gott," bætir Hrönn við. Líklega verði ísnum haldið á matseðlinum vegna vinsældanna. Réttirnir verða í boði fram yfir helgi.
Þá hefur Laufey Steingrímsdóttir næringarfræðingur verið kölluð til á laugardaginn næsta til að flytja fyrirlestur um rúgbrauð og kosti þess. Þema Athafnavikunnar í gær var athafnasemi kvenna, og af því tilefni ákvað Hrönn að fá einnig nokkrar listakonur til að sýna handgerðar handstúkur og grifflur í versluninni Textíl á hæðinni fyrir neðan Café Loka.
Hrönn segir handstúkurnar hafa verið afar ólíkar. Ein listakonan hafi til dæmis gert sínar úr hreindýraleðri, önnur úr blöndu af þæfðri ull og silki og blúndum og sú þriðja úr jurtalituðu bandi.

14112009 b

Vínveitingarleyfi Café Loka var að koma í hús og erum við því byrjuð að selja nokkrar tegundir af íslenskum bjór ásamt léttvíni í litlum flöskum.  Við teljum það sjálfsagða þjónustu að geta boðið viðskiptavinum okkar upp á gott kaffi, ekta heitt súkkulaði, bjór eða léttvínsglas, allt eftir því hvað hver og einn vill.

14112009

Áferðir 1


Sýningin Áferðir 1 er hluti nýrrar seríu Brynhildar þar sem hún skoðar og þróar tilfinningu sína fyrir efnum. Líkt og listmálari leikur sér að litum leikur Brynhildur sér að textílum. Innblástur er sóttur jafnt í landslag og náttúru, sem og í myndlist og hönnun; þar sem helstu áhrifavaldar eru Hundertwasser, Charles James og Svavar Guðnason. Í verkum Brynhildar má sjá hvernig ár og vötn hlykkjast og tengjast, litirnir eru ýktir og skærir með spegilsléttri áferð. Einnig má sjá þar fjöll og hæðarlínur, sem fara inn og út úr rammanum. Brynhildur hefur kosið að setja verkin fram á tvo vegu; eins og hefðbundin listaverk strengd á blindramma og svo á gínu í formi fatnaðar. Hugsunin hvernig má nýta verkin í fatnað og fylgihluti er aldrei langt undan.

04102009

Ljóðið „Konan sem kyndir ofnin minn“ hafði mikil áhrif á mig ,þegar ég heyrði það sem barn og fann ég mjög til með þessari konu sem „vinnur verk sín hljóð“.


Með aldri og þroska hef ég öðlast aðra sýn á þessa konu og virðingu fyrir þeim sem vinna þau störf sem til falla án þess hreykja sér .


Móðir mín Rannveig Heiðrún Ágústsdóttir lést úr krabbameini fyrir sjö árum, hún hefði orðið 75 ára 1.okóber.


Mig langar að tileinka þessa sýningu henni ,systrum mínum og öllum íslenskum konum sem með dugnaði og elju,hafa saumað,heklað,prjónað,eldað,bakað,þrifið, huggað,annast,kennt , og hlúð að í gegnum tíðina.


Dagný Sif Einarsdóttir

04102009 2

12092009

Ný sýning á Café Loka

Kolbrún Hjörleifsdóttir sýnir ullarmyndir ULL ER GULL.
Kolbrún notar jurtalitaða ull frá Þingborg í verkum sínum

ásamt fjörugrjóti og þangi frá fjörunni við Vík í Mýrdal þar sem hún býr.

Kolbrún er að mestu sjálfmenntuð í sinni listsköpun. Hún lauk á sínum tíma myndlistarvali í

Kennaraháskóla Íslands og hefur sótt fjölda námskeiða tengdum myndlist og myndlistarkennslu

bottom

Staðsetning

Lokastíg 28

101 Reykjavík

Opnunartími

Mán - Lau: 09:00-21:00

Sun: 11:00-21:00

Upplýsingar

S: 466-2828