Fréttir

12092011

Full borg matar veitti okkur á Café Loka hvatningarverðlaun- Takk fyrir það ;)

Umsögn dómnefndar

Bráðskemmtilegt og frumlegt rúgbrauðshlaðborð þar sem allir ættu að finna útfærslu við sitt hæfi. Café Loki er fremst í flokki veitingastaða á þjóðlegri framsetningu sem byggir á gömlum og góðum alíslenskum gildum í nýjum og ferskum búningi. Þið verðið að smakka rúgbrauðsísinn

04092011

Einn af hornsteinum matarmenningarinnar

En hrós mitt að þessu sinni fer til starfsfólksins og eigenda á Café Loka, þar höfum við veitingastað með sál sem skilar sér greinilega til viðskiptavinanna. Þarna inni var góð blanda af fjölskyldufólki, erlendum gestum af öllum þjóðernum og fínum frúm sem gæddu sér á plokkfiski, kjötsúpu, sviðasultu, flatbrauði, rúgbrauði og öðrum heimilislegum veitingum sem bornar voru fram með þjóðarstolti og metnaði. Ég hef oft heyrt talað niður til þjónustu á veitingastöðum í miðborginni, að þar séu ungir krakkar, sem kunni lítið til verka og engin fagmennska. Það er nú aldeilis ekki raunin á Café Loka þar sem starfsstúlkurnar höfðu greinilega gaman af vinnunni sinni, voru vel að sér, fumlausar og brosandi. Að mínu mati er þarna einn af hornsteinum í reykvískri matarmenningu sem aðrir veitingamenn ættu að taka sér til fyrirmyndar og hlakka ég nú þegar til að mæta á staðinn aftur og þá sérstaklega með erlenda gesti.

19082011

GANGIÐ Í BÆINN ;)
Við verðum með opið frá 10-10 og húsið iðar af lífi og menningu
Í Textíl munu Sigríður Elfa og Aðalbjörg sýna ULLARSKART OG SILKI, þær verða á svæðinu til skrafs og ráðagerðar frá 12-16
Á Kaffi Loka verður glæsilegt tilboð á Menningarplattanum kr, 1.000.-
Friðrik Ottó Ragnarsson er myndlistarmaður ágústmánaðar- sýningin heitir Milli fjalls og fjöru. Friðrik Ottó verður á staðnum kl. 17-18
Hrönn Vilhelmsdóttir textílhönnuður og vert á Loka kynnir ný munstur fyrir Loka, sjón er sögu ríkari
Kær kveðja
Hrönn og co

02082011   02082011 2

Friðrik Ottó Ragnarsson er fæddur 28. nóvember 1953 í Reykjavík. Friðrik er lærður járn- og stálskipasmiður og hefur ásamt áralöngu starfi í faginu unnið mörg listaverk úr stáli. Árið 1998 fór hann að mála með olíu í frístundum og hefur haldið nokkrar sýningar á verkum sínum. Friðrik  S. 892-7588 netfang

 

Neðansjávarljósmyndasýning Erlendar Bogasonar í Cafe Loka í júlí 2011.

Á sýningunni gefur að líta myndir sem Erlendur hefur tekið á undanförnum árum. Myndirnar eru teknar við Strýturnar í Eyjafirði, við Grímsey, í Þistilfirði, í Nesgjá í Öxarfirði og við Vestmannaeyjar.

Erlendur Bogason er fæddur í Vestmannaeyjum árið 1963. Hann hefur nær tveggja áratuga reynslu af köfun með um 7500 kafanir að baki. Árið 1997 fann Erlendur hverastrýtuna í Eyjafirði og skútuna Standard sem liggur á pollinum rétt við Oddeyrarbryggju á Akureyri. Á þessum tíma hóf hann að taka myndir neðansjávar hvorutveggja kvik- og ljósmyndir. Árið 2004 fundust hverastrýtur við Arnarnesnafir í Eyjafirði og fékk Erlendur það í gegn að þær ásamt stóru hverastrýtunum í Eyjafirði voru friðlýstar og eru þær einu friðlýstu svæði samkvæmt lögum um náttúruvernd í hafi við Ísland.

04042011

Sýningin Leikur að landslagi á verkum mynlistakonunnar Jónu Bergdal Jakobsdóttur hefur opnað á Kaffi Loka. Innblástur í verkin fær Jóna frá göngum sínum um Íslenska náttúru, Jóna lauk námi frá Myndlistaskóla Akureyrar í fagurlistafræði vorið 2003. Hún hefur haldið tólf samsýninga og þrettán einkasýningar en þetta verður fyrsta einkasýningin sem hún heldur í Reykjavík.  Heimasíða Jónu er http://jonabergdal.net/

bottom

Staðsetning

Lokastíg 28

101 Reykjavík

Opnunartími

Mán - Lau: 09:00-21:00

Sun: 11:00-21:00

Upplýsingar

S: 466-2828